Tê payin ku li Ewropayê di dawiya demsala zivistanê de bi rengekî nenormal hewa germ bibe.

Li gorî rapora sê mehan a Saziya Meteorolojiyê ya Fransayê, di dawiya demsala zivistanê û destpêka demsala biharê de wê bi rengekî nenormal hewa germ bibe.

Li herêma Derya Spî tê payin ku baran li gorî rewşa normal kêmtir be. Li bakurê parzemîna Ewropayê jî wê ba û baran zêde be.

Texmînên ji bo meha Sibatê tê kirin jî vê yekê piştrast dike. Bandora xurt a okyanûsê, bi giranî tê wateya şert û mercên nerm ên hewayê. Li gelemperiya Ewropayê tê payin ku serdemeke hîn bi hewa germ a li gorî rewşa asayî hebe.