Zanîngehên Rojava, Duhok, Înalco û Sorbonneyê, li ser ziman û wêjeya Kurdî dest bi bernamayeke perwerdeya akademîk a onlîne kirin. Li tevahiya cîhanê ku ji ber vîrûsa korona ya nû (Covîd-19) jiyan li ber rawestînê ye, komek ji akademîsyenan ji bo akademî û zimanê Kurdî li ser înternetê dest bi bernameyeke perwerdeyê kirin.

Bernameya perwerdeyê ji aliyê zanîngehên Rojava, Duhok, Înalco û Sorbonneyê ve bi hevkarî tê lidarxistin. Hîndekarên bernameyê ji wezîfedarên lêkolînê û asîstanan re semîneran pêk tînin.

Di mijarên çand û wêjeya Kurdî, wêjeya Kurd a nûjen, fonetîka zimanê Kurdî, zaravayên Kurdî, çanda Kurd, govend, gramer, civakî, psîkolojî û antropolojiya Kurd de akademîsyenên naskirî perwerdeya onlîne didin.

Bernameya perwerdeyê wiha ye:

Wêjeya Kurdî ya Modern (sedsala 21): Dawid Yeşilmen (Essen)

Roja duşemê: saet 18:00

Zimannasî û Ferhenga Kurdî : Michael Chyet (Washington)

Duşem û pêncşem: saet 21:00

Zaravayên kurdî, Zazakî û Kurmancî: Hacer Petekkaya (Qamişlo)

Roja sêşemê: saet 18:30

Zimannasiya Kurdî : Îbrahîm Seydo Aydogan (Paris)

Roja sêşemê: saet 21:00

Zimannasî û Fonetîka Kurdî : Abdilwehab Xalid Mûsa (Dihok)

Roja çarşemê: saet 18:00

Metodolojî û lêkolînên zanistî : Îbrahîm Seydo Aydogan (Paris)

Roja çarşemê saet 21:00

Wêjeya Klasîk : Michiel Leezenberg (Amsterdam)

Roja Pêncşemê: saet 18:30

Mîtolojî û felsefe: Michiel Leezenberg

Roja îniyê: saet 18:30

Etnopsîkolojî û trawma : Jan Îlhan Kizilhan (Stuttgart)

Roja îniyê: saet 21:00

Wêjeya Kurdî (heta sala 2000) Îbrahîm Seydo Aydogan (Parîs)

Roja şemiyê: saet 18:00

Sosyolinguistîk an zimannasî û civaknasî: Jaffer Sheykholislami (Toronto)

Roja şemiyê, saet 21:00

Medya û Civak : Janroj Yilmaz Keleş (London)

Roja Yekşemê: saet 18:30

Helbest û Semiyolojiya Wêjeyê: Xalid Hisên

Roja Yekşemê: saet 21:00

Sosyolojî, Antropolojî û Wêje : Serdar Ay, Adnan Çelik (Paris)

(Dawiya heyva nîsanê, dema wê ê diyar bibe)

Wêje û Wêjeya Kurdî : Joanna Bochenska (Krakovie)

(Dawiya heyva nîsanê, dema wê ê diyar bibe)

Wêjeya gelêrî û lêkolînên li ser folklor û zargotinê: Luqman Guldivê

(Dawiya nîsanê, her çarşemê saet 21:00, dikeve şûna dersa metodolojiyê)

Wekî din, hin mêvanên din jî dê hebin ku carê ew ê bibin mêvan û xebatên xwe pêşkêş bikin.